أخر الاخبار

كيفية السفر وتقديم اللجوء في جزر المارشال والحصول على الفيزا باسهل طريقة

 جزر المارشال كيف بنسافر على جزر المارشال؟


 كل الصفحات بكل الوطن العربي عم تحكي على هاي الجزر ، انه في طريقة لجوء وفيها رواتب كبيرة وفيك تحصل على الجنسية بعد خمس سنوات . وبمجرد وصولك إليها انت راح تحصل على الاقامة الدائمة فيها .

 ‏

طبعا انا اتصفحت كتير هلأ على جوجل وراح اعطيكن الطريقة كيف نحنا بنسافر عليها من دون ما نسجل بولا جامعة لانه كل الطرق بتحكي لك انه لازم انت تسجل بشي جامعة وبعد الحصول على قبول جامعي ، انت بتوصل لهنيك بكون صار عليك دفع اقساط ورسوم وآلاف دولارات للجامعة ، وبعد هيك انت بتاخد الفيزا .

 انا رح اعطيك طريقة ارخص من هيك بكتير يعني طريقة سهلة كتير بتسافر فيا من اي بلد بالعالم بتوصل لجزر المارشال وبتاخد راتب حلو ، الي هو راتب اللجوء اللي انت راح تاخده لانه اذا انت راح تشتغل فتكون انت مستثمر داخل البلد. 

 ‏ فما راح تقدر انت تلاقي شغل بسهولة الا اذا انت كنت لاجئ داخل هاي الجزر . 

 ‏هل جزر المارشال بتعطيك رواتب عند اللجوء إليها ؟ 

 ‏

 هاي الجزر تابعة للولايات المتحدة فمنشان هيك وراها قوة عظمى و يعطوك راتب اذا انت موجود فيا كلاجئ.

 ‏ يعني بالنسبة للناس الي بدها تسافر لحزر المارشال ، عند وصول للجزيرة قدم ملفك واطلب الجوء ، بعد قبول ملفك عندهم الراتب المتوقع اخذه من (1000$ لل 1500 $ ) . ليش الرواتب كبيرةاو عالية نسبياً ، لانه بمجرد تواجدك في هذا البلد بتحتاج قوة شرائية كبيرة ، مشان هيك الرواتب بتكون كبيرة.

تمام?


 التفاصيل حول جزر المار شال وكيف نحنا بنوصل عليها؟

 ‏ اول شغلة جزر المارشال عدد سكانها تسعة وخمسين الف او ستين الف للحظة هذا اليوم يعني عدد سكان كتير صغير فتعتبر قرية صغيرة جدا لكن هي بالنسبة للجزر

كبيرة جدا لانها هي جزر تفصل عن بعضها بمساحات كبيرة.

 تمام? 

 ‏هل في سكان عرب او مسلمين في جزر المارشال ؟ 

 ‏بالنسبة للسكان العرب داخل هاي الجزر فما في سكان عرب. الا في سكان مسلمين فقط. ويعني بتراوح تعدادهم من الالف وميتين والالف وخمسمية شخص.

شو السبب انه ما في عرب? السبب انه هاي الجزر ما كانت مفتوحة لكل دول العالم والا فتحة من جديد لانه اه كان الوضع فيا يعني غير مهيأ انه يستقبل مهاجرين او لاجئين من كل دول العالم.

ماهي لغة جزر المارشال ؟ 


اللغة يلي يستخدمها السكان الاصليين هي اللغة المارشولية . زائد انهم يحكوا اللغة الانجليزية وهادا الشي بسهل عليك عند الوصول انك تحكي باللغة الانجليزية مع سكان البلد.


 أربع طرق لدخول جزور المارشال 

** اول طريقة عن طريق الدراسة فانت بتختار جامعة يلي بدك اياها ضمن هاي الجزر وبتسجل فيا متل ما حكيت انا ببداية المقالة فيك تدفع رسوم وفيك تدرس الانجليزية والفرنسية ضمن هاي الجزء وبتدخل هاي الجزر وبتقدر تشتغل فيا.


** طريقة تانية. الطريقة التانية انك انت تحصل على فيزا سياحية لهاي البلد. رح احكي لك كيف تاخد الفيزا السياحية. الفيزا السياحية بتخولك انه عند الوصول فيك تاخذ اللجوء او تبحث عن ا عمل داخل هاد البلد.

** الطريقة التالتة و اللي هي عن طريق الزواج. شو معناتها هاد الكلام؟ هاد الكلام انك انت تبحث عن شخص داخل هاد البلد 

يعمل لك عقد زواج وهذا شيء صعب جدا لنسبة عدد السكان تسعة وخمسين الف نسمة فراح يكون شوية صعب. فبننتقل للطريقة الاخيرة 


طريقة تقديم اللجوء إلى جزيرة المارشال

** الطريقة الرابعة و اللي هي طريقة اللجوء . وهاد الشي الى خلاك تكون هون حتى تقرا طريقة اللجوء الى جزر المارشال

والحصول على رواتب جيدة من الحكومة الامريكية. يعني الرواتب بيحكوها انه بتوصل للالف وميتين متل ما انا حكيت. رح بتقدم انت عن طريق المفوضية. فراح يكون اللجوء فقط عند وصولك الى جزر المارشال وليس قبل الوصول.

 يعني انت ما راح تراسل اي منظمة ما راح تراسل اي سفارة انه انا بدي الجأ لهاي السفارة او لهاي البلد.

 ‏

 ‏السفر الى جزيرة المارشال وأسعار الفيزا اليها 

 ‏ طيب شلون بدنا نسافر عليها? فانت موجود اليوم في تركيا انت موجود اليوم في المغرب في الجزائر في اي بلد في العالم.


راح يكون السفر عليها فقط عن طريق الترانزيت من الفلبين الى المارشال.

 يعني انت اليوم بدك تقدم عن طريق الفلبين. كيف نحنا بنقدم عن طريق الفلبين وشو سعر الفيزا? سعر الفيزا حوالي السبعين ممكن يوصل للمية دولار.

يعني سعر الفيزا السياحية اللي ما راح تدفع رسوم لاي شخص راح تدفع انت رسوم الفيزا السياحية للفلبين. يعني راح توصل للفلبين ومن بعد الفلبين راح تطلع على هاي الجزر.

بالنسبة للناس اذا تغامر هاي المغامرة لسبب بعد المسافة لانه هاي المسافة كتير كبيرة فانت راح تدفع يعني كرت طيارة ممكن يكون الف وميتين دولار فقط لمجرد السفر اه سفر الى الفلبين ومن بعد الفلبين انت راح تطلع على حوالي عدة ساعات وتوصل لهاي الجزر بتوصل انت عليها وبتقدم ملف اللجوء عن طريق المفوضية. بتتواصل هنيك مع المفوضية و بتقول انه انا بدي الجأ لهاد البلد لاسباب عديدة تقدمها وتقنعهم بطلب اللجوء .

وبعد تقديم الطلب ، بقرروا اءا تم منحك اللجوء . او لا. فانت راح يكون عندك هادا القرار انه انت قد ما تدفع ثمن التزكرة. وثمن الاقامة بالفندق.


الحصول على الجنسية في حزر المارشال 


رح يكون عندي عندك فكرة اساسية انه انت ممكن يتم رفضك. ازا تم قبولك راح يمنحوك الاقامة الدائمة لمدة خمس سنوات. بخلال الخمس سنوات اذا قطعت الخمس سنوات راح تاخد انت الجنسية. وهي الجنسية تعتبر يعني من

دائما الجزر بتعطي جنسيات قوية جدا لانه عدد المقيمين ضمن الجزر او عدد سكان الجزر ما بيتجاوز المية الف مشان هيك دائما الباسبورات اصحاب الجزر بتكون قوية جدا. ومن خلال هذا المقال تم الشرح لك تفاصيل السفر الى جزر المارشال و بارخص الطرق وهاي الطرق يعني ممكن توصل للالفين دولار تكلفة السفر اذا وصلت عليها. 

وانت اذا حابب تقدم او تشتغل هاد الشي فبغرض السياحة. وهيك اذا انت ما حبيت السياحة ضمن هاد البلد او ما عجبتك الحياة بترجع. 

الروابط المهمة 

رابط سفارة الفلبين في الجزائر والمغرب هنا 

رابط سفارة الفلبين في تركيا. هنا 

رابط سفارة الفلبين في مصر هنا 

رابط الوظائف في جزر المارشال هنا 

رابط الجامعات في جزر المارشال هنا



تم إعداد وتقديم موقع زاجل بالعربي 




تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -